Tërmeti i mëngjesit të sotëm në Shqipëri, përveç dëmeve të mëdha materiale, ka marrë edhe jetë njerëzish.

Për të ndihmuar të prekurit nga tërmetet me epiqendër në Durrës, në Maqedoninë e Veriut janë organizuar shoqata, grupe tifozësh, Kryqi i Kuq dhe persona privat, të cilët duan t’u dalin në ndihmë qytetarëve në Shqipëri, njofton Telegrafi Maqedoni.

Kryqi i Kuq do të bëjë mbledhjen e të hollave, të cilat mund të donohen përmes numrit të telefonit: (070/075/077 – 143 400).

Ndërkaq grupet e tifozëve “Ballistët – Tetovë” dhe “Kastriotët – Gostivar” përveç të hollave, do të mbledhin edhe veshje dhe ushqime.

Përveç këtyre, edhe institucione tjera shtetërore dhe persona privat kanë shprehur gatishmërinë për të ndihmuar për të prekurit nga tërmeti në Shqipëri.

https://www.facebook.com/permalink.php?story_fbid=3183505705053001&id=131613580242244

https://www.facebook.com/ballistet.1992/posts/2875702762460075